Nunarsuarmi sulluliarsuit tannersaat ullumi putuneqarpoq.
Qilleruterujussuit, Cicimik aterusillit, nunarsuarmi sulluliarsuit tannersanngortumit nalunaaqutaq marluk qaangerlugit tanneq pingasut qaangilaaraa puttupput.
Tamanna sioqqutilaarlugu, Schweizimi assartuinermut minesteeriaqarfimmeersoq, Peter Füglistaler, oqarpoq, suliaq tamanna nunamut pingaaruteqaqisoq.
Ullumikkut nuannaaginnarpunga, suliaq annertooq ukiunik 15-inik sivisussuseqarsimasoq, inuillu arfineq pingasut inuunerannik akeqarsimasoq pillugu Füglistaler oqarpoq.
Qimuttuitsunut sukkasuulianut Europap avannaanit kujataanut ingerlasartunut aqqut nutaaq sunniuteqarluassaaq.
Milanomit Italiamiittumit Zürichimut Sweizimiittumut akunnerit pingasut missaannaasik sivisussuseqartumik angalasoqartalissasoq naatsorsuutigineqarpoq.
Europami nassiussanik assartuinermut qimuttuitsunut aqqut aamma sunniuteqarluassaaq.
Qimuttuitsulli siulliit Gotthardip sullorsuakkoornissaannut minnerpaamik ukiut arfinillit suli utaqqissaagut.
