Nunarsuarmi qinusarfiit avannarpasinnersaat Inuuvimmiissaaq
Inuuvimmi muslimit 100-t missaanniittut maanna najugaqarput, taakkulu upperisartik naapertorlugu atuartinneqarsinnaanngillat qinusaqarfeqaratillu.
Inuuvimmiut qinusaqarfeqalernissaat anguniarlugu Wnnipegimi muslimit qinusarfeeqqamik nappariaannakkamik sanariarlutik qinusarfittaassaq umiarsuaq kingullermut ilaasussanngorlugu Inuuvimmut nassiunniarpaat.
Muslimit meerartaasa Inuuvimmiittut upperisartik naapertorlugu immikkut atuartinniarneqaraangamik Edmontonimukaqqaartariaqartarput, atuarfiullu ungasinnerujussua pissutigalugu tamanna meeqqanut angajoqqaanullu oqitsuinnaasarsimanngitsoq, Inuuvimmeersoq Abdulla Mohamed oqarpoq.
Inuuvimmi qinusarfiliornissamut atatillugu suliniuteqaqataasoq, Hussain Guiste oqarpoq pilersaarusiortoqalernera iluarisimaaritsik, tamannami piviusunngussappat nunarsuarmi avannarpasinnerpaami
oqaluttuarisaanermi siullerpaamik qinusaqarfeqalissaaq.