Nunarsuarmi mingutsitsinermut Kina-p akisussaataanissaa ujartorneqarpoq
Tysklandimi naalagaaffeqatigiinni naalakkersuisut siulittaasuata Angela Merkelip piumasaraa nunarsuarmi mingutsitsinaveersaarnermut Kina akisussaaqataanerusariaqartoq. Nunarsuarmi silap mingutsaaliorneqarnissaa pillugu Japanimi Kyotomi isumaqatigiissut qaammatit sisamat qaangiuppata Kinami nalilersuivigineqartussaammat, Merkel Kinamut ulluni makkunani tikeraarpoq isummersueqataajartorluni. Angela Merkel oqarpoq nunarsuup pisuussutaanik uumaatsunik atuinermi peqqussutit nunanut allanut atuuttut aamma Kinap malittariaqalerai. –Kina suliffissuaqarfittut ineriartorpoq isumangalu naapertorlugu Kina ukiut 30-t kingulliit taamaallaat akisussaaqataanikuummat nunanut allatut ukiuni 200-ni mingutsitsisimasutut akisussaatinneqarsinnaanngilaq, taama oqarpoq Kinami naalakkersuisut siulittaasuat Wen Jiabao. Mingutsaaliuinissaq pillugu Kyotomi isumaqatigiissummut Kina atsioqataanikuunngilaq.
