Nunarsuarmi inuit coronavirusimik tunillanneqartut 2 millionit angugaat
Nunarsuaq tamakkerlugu nappaammik coronavirusimik tunillanneqarsimasut 2 millionit sinnerpaat.
Nunarsuaq tamakkerlugu tunillaassuunnermi inuit 128.000-it sinneqartut toqqutigaat.
Allattoq Ritzau
apriilip 16-at 2020 08:46
Nutserisoq Bikki P. Kleist
Johns Hopkins Universityp kisitsisit pingasunngornermi saqqummiussaani tamanna takuneqarsinnaavoq.
Tuluit Nunaanni kisitsisit kingulliit nalunaarsorneqareersullu Johns Hopkins Universitytip kisitsisit naatsorsugai pingasunngornermi ualikkut saqqummiunneqarmata, tunillanneqarsimasut 2 millionit sinnerlugit amerlatigilerput.
Taamaattoq nunarsuarmi nappaammik tunillatsissimasut amerlanerunissaat nalilerneqarpoq. Nunat akornanni inuit misissortissimasut amerlassusaat assigiinngisitaarput.
Nunarsuaq tamakkerlugu tunillaassuunneq ajornerpaaq
Nunanimi arlaqartuni napparsimanerusut kisimik taamaallaat misissortittarput.
Nunarsuaq tamakkerlugu tunillaassuunnermi inuit 128.000-it sinneqartut toqqutigaat, nappaallu ukiut 100-t missiliorlugit nunarsuarmi ajornerpaatut tuniluunnerpaalerluni.
