Nunarsuarmi angutini utoqqaanersaq toquvoq

Nunarsuarmi angutini utoqqaanersatut isigisaq toquvoq. Pineqartoq tassaavoq indiamiu Habib Miyan, 138-inik ukioqassagunavilluni toqusoq.
Allattoq Najaaraq Egede
aggustip 20-at 2008 17:15

Qanga inunngorsimanera pillugu allassimasoqanngimmat nalunarsimavoq qasserpianik ukioqarnersoq, taama Danmarkip Radioa nittartakkamini allaaserinnippoq.

Habib Miyan immaqa taamaallaat 129-nik ukioqarpoq, tassami utoqqalinersiuteqarnissaminut atatillugu allagartartaartinneqarami ulloq 20. maj 1879 inunngorfiatut ulluliunneqarpoq. Taamaalilluni 129-iinnarnik ukioqarsimassaaq.

Nunarsuatsinni angutini utoqqaanersaq ukiut 70-it matuma siornagut nipilersortartutut suliunnaarpoq, ukiumi nuleernermini.

Naallu ukiuni 50-ini tappiitsuusimagaluarluni Habib Miyan muslimitut Mekkamut 2004-imi ilerfiarpoq.

- Inuit allat uattut sivisuumik inoorusukkunik, taava timertik paarilluartariaqarpaat, taava aamma timivit ajunngitsumik pissavaatit, apersorneqarnermi ilaani 138-inik ukioqarluni toqusoq oqarsimaneragaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq