Nunarsuaq tamakkerlugu takornariaqarneq coronavirusip ajornartoortitsineranit eqqugaasoq
Nunarsuaq tamakkerlugu takornariaqarneq ukiup 2020-p sisamararterutaani siullermi 22 procentimik kinguariuaatepoq. Ukioq naallugu procentit 60-it 80-illu akornannik kinguariaateqarfiusinnaavoq.
Naalagaaffiit Peqatigiit nunarsuarmi takornariaqarnermut kattuffiat, World Tourism Organisation, tusagassiutinut taama nalunaaruteqarpoq.
Kinguariaat ukiup sisamararterutaani siullermi angalasutut nalunaarsukkat najoqqutaralugit naatsorsorneqarpoq.
AAMMA ATUARUK Takornariartitsivik matusoq - Naalakkersuisut nalunaaruteqannginnerat isorigaa
Coronavirusi siaruatsaaliorniarlugu killilersuisoqarnerata nunanullu allanut angallanerup inerteqqutigineqarnerata ilutigisaanik nunat assigiinngitsut akornanni angallanneq marsimi 57 procentimik kinguariaateqarpoq.
- Takornariaqarneq eqqugaaqaaq, suliffiillu millionilikkuutaat aningaasaqarniarnermut pingaarutillit aannaaneqarataannaapput, World Tourism Organisationimi qullersaq Zurab Pololikhashvili oqarpoq.
