Nunarput USA-mut ajorsarami nunarsuarmi pissartanngorniunnissamut anngutinngitsoortoq
Aappaagu jannuaarimi assammik arsarluni nunarsuarmi angutit pissartanngorniunnissaannut Kalaallit Nunaat peqataasinnaajunnaarpoq.
Amerikap avannaamiuinut caribiamiunullu Mexicomi assammik arsarluni nunarsuarmi pissartanngorniuttoqarnissaanut anngunniunnermi ippassaq sisamanngornermi unnukkut ajugaaniutivittoqarnerani nunarput USA-mut ajorsarpoq
Taamaalillunilu USA nunarsuarmi pissartanngorniuttoqarnissaannut annguppoq nunarpullu ajorsarluni.
Holdit taakku marluk ulluni siuliinni aamma unammipput, tassanilu unamminermi USA arfineq-pingasunik isertitsinermigut nunarput aamma ajugaaffigaa.
Ippassaq sisamanngornermi unamminermi inernerusoq 33-26-iuvoq, unamminerup aallartinnerata nalaani unammisut ataasiinnarmik sivisujaamik nikingalaaginnartarput, muminnerulli kingorna amerikamiut ajugaajartulerput naggataagullumi ajugaallutik.