Nunarput siunissami immaqa OL-imi peqataasalissaaq

Nunarput sinnerlugu sisoraatinik unammisartoq Martin Møller Torino-mi februaarimi OL-ertoqarnissaani peqataassanngikkaluaq, taamaattoq ilimanarsivoq kalaallit erfalasuat OL-ertoqarnerani amuneqartalissasoq. Danskit naalakkersuisuisa kalaallit namminerisaminnik aallartitaqartalernissaat tapersersorpaat. Kultureqarnermut ministerip Brian Mikkelsen-ip nunat tamat OL-eqartoqassatillugu toqqaasartui sunnernialerpai.

Danskit naalakkersuisuisa kalaallit savalimmiormiullu unammersuartoqassatillugu namminerisaminnik aallartitaqartalernissaat suliniutiginialerpaat. Ullumimi danskit kultureqarnermut ministeria Brian Mikkelsen danskillu inatsisartuinut Siumut sinnerlugu ilaasortaatitarput Lars-Emil Johansen oqaloqatigeereersut paasinarsivoq.

- Pissusissamisoorpoq kalaallit timersortartut nunat tamat OL-eqartoqassatillugu toqqaasartut nunatut namminersortutut peqataatitaqatalernissaat akuersaalerpassuk.

Lars-Emil Johansen Brian Mikkelsen-imut allagaqareersorlu naapeqatigiinnerisa tamanna inerneraa. Lars-Emil Johansen-ip uparuarpaa Martin Møller nunat tamat piumasaqaataat eqqortereerai, danskit piumasarisaat angumanngimmagu peqataatitaanngitsoornera ippigisimavaa. Saaffiginnissummi ilassilluarneqarnera Lars-Emil Johansen-ip iluarisimaaqaa.

-Oqaloqatigiilluaqaagut, naalakkersuisullu tamakkiisumik tapersersuinerat naammagisimaaqaara, Lars-Emil Johansen oqarpoq.

Danskit kultur-eqarnermut ministeriata Brian Mikkelsen-ip nunatta namminersulersimanerata erfalasukkut avammut nittarsaattariaqarnerarpaa:

- Kalaallit peqataasarnissaat pingaaruteqarluinnarpoq, imminut tatiginermik takutitsissammat, namminnerlu erfalasumik nittarsaanneragut unamminerni sakkortuuni sapinnginnertik takutissinnaalissavaat, danskit kultureqarnermut ministeria Brian Mikkelsen naggasiivoq.

Ukiut marlukkaarlugit aasaanerani ukiuuneranilu unammersuarnerit ingerlanneqartarput. Ukiormannalu ukiuunerani unammersuarnissat Italiami illoqarfimmi Torino-mi ingerlanneqassapput, aasaaneranilu unamminissaq tulliani pissaaq Kina-mi illoqarfimmi Beijing-imi; tulllianilu ukiuunerani Vancouver-imi Canadamiittumi 2008-mi unammersuaarneqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat