Nunarput siulersueqataaginnassaaq
Nunat OLT-mut ilaasortaasut 16-it ulluni makkunani Nuummi ataatsimiittut, siulersuisussaminnik ippassaq toqqaapput, nunarpullu siulersuisunut ilaasortatut toqqagaaqqippoq.
Avatangiisit pillugit suliniutit silaannaallu allanngoriartornerata kingunipilorisinnaasaasa eqqumaffigineqarnissaat, Kalaallit Nunaata siuttuuffigisimasaa ingerlaqqissaaq.
- Allanngoriartuutit pillugit EU-mi ilaasortaasunut paasititsiniaanerput aallartilluareerparput, suliallu tamatuma ingerlateqqinneqarnissaa pisariaqarluinnarpoq, aningaasaqarnermut nunanullu allanut naalakkersuisoq Josef Motzfeldt oqarpoq.
Nunat OLT-mi ilaasortaasut nunat tamalaat akornannni niueqateqarneq annertunerusumik aallutarinialerpaa.
- Nunat tamalaat niueqatigiinnikkut suleqatigiiffiat WTO-mik isumaqatiginninniarnerni ingerlanneqartuni nunat OLT-t taamatullu Kalaallit Nunaata akitsuutitaqanngitsumik EU-mik niueqateqarnera pitsaanngitsumik eqqugaaqqajaavoq, taamaattumik nunat OLT-mi ilaasortaasugut taassuma tungaatigut allorassaaqatigiilluarnissarput pisariaqartorujussuuvoq, Josef Motzfeldt oqarpoq.
