Nunarput Ruslandilu aappaagu aalisarnissaq pillugu isumaqatigiissuteqartut

Nunarput Ruslandilu 2020-mi aalisarnissaq pillugu isumaqatigiissuteqarput.
Isumaqatigiissut nunatta aalisartuisa Ruslandip imartaani kiisalu russit aalisartuisa nunatta imartaani ukiumi aggersumi aalisarsinnaanissaannut tunngaviussaaq. Toqqorsivimmit assi
Allattoq Malik Brøns
decembarip 05-at 2019 09:10
Nutserisoq Bikki P. Kleist

Isumaqatigiissut nunatta aalisartuisa Ruslandip imartaani kiisalu russit aalisartuisa nunatta imartaani ukiumi aggersumi aalisarsinnaanissaannut tunngaviussaaq.

Russit aalisartuisa Tunumi 2020-mi qaleralittassaat 75 tonsinik ikilineqarput, biologit pisassanik siunnersuinerat tunngavigalugu. Nunattalu aalisartuisa Barentshavimi aalisakkanik misaqqarnartassaat 173 tonsinik aamma ikilineqarput.

AAMMA ATUARUK Nunanik sanilerisatsinnik aalisarnikkut isumaqatigiissuteqartoqartoq

Aalisarnermut Naalakkersiuisoqarfik taama nalunaaruteqarpoq.

Aalisarnissaq pillugu Namminersorlutik Oqartussat arlalinnik isumaqatigiissusioreersimalerpoq.

Aappaagumut pisassiissutissat pillugit EU-mut sapaatit akunnerata siuliani isumaqatigiissusiortoqarpoq, Savalimmiormiunullu isumaqatigiissut ataasinngornermi inissinneqarluni, maannalu Ruslandimut isumaqatigiissut inissinneqarpoq.

- Aalisarnermut Naalakkersuisoqarfimmeersut inuussutissarsiortullu aallartitat naliliipput isumaqatigiissut nunatsinnut Ruslandimullu nalitoorujussuusoq, aalisariutit ukioq kaajallallugu aalisarnissaannut qulakkeerinnimmat, Namminersorlutik Oqartussat taama nalunaaruteqarput.

Aamma atuaruk