Nunarput pillugu oqaaseqartartoq tunuartoq
Christian Friis Bachip Naalagaaffiit Peqatigiinni sulileruni Europap kangiani Ruslandimilu pisut pingaaruteqartut, Ukrainemilu eqqissisoqarnissamik suliniuteqarnermi pingaaruteqartut suliassaasa pingaaruteqartut ilagissagaat siulittuutigineqarpoq .
Christian Friis Bach ministeritut februarip qaammataani tunuarpoq, GGGI-mi suliap Lars Løkke Rasmussenimut aamma kinguneqartitsisoq pissutigalugu. Taamanili Radikale Venstret Folketingemi Nunarput aamma Savalimmiut pillugit oqaaseqartartoraat.
De Radikalet sinnerlugit Kalaallit Nunaannut tunngasunut oqaaseqartartunngortoq
Naalagaaffiit Peqatigiinni sulileruni atorfia taaguuteqassaaq Naalagaaffiit Peqatigiinni undergeneralsekretæri, tassa Naalagaaffiit Peqatigiit qullersaata tullersortaatut inissisimalissalluni.
Radikale Venstret Folketingemi gruppiminni siulittaasuungallartumik aqagu toqqaassapput, partiillu aasaanerani ataatsimiinnissaani 11. aamma 12. aggustimi pisussami gruppemi siulittaasussartik aamma Nunarput pillugu oqaaseqartartussaq toqqarneqassaaq.
Folketingemi qinigaaffimmi matumani partiit arlaqartut Nunarput pillugu oqaaseqartartuminnik taarsiipput. Radikale Venstret Nunarput pillugu oqaaseqartartui pingasoriarlutik taarserneqarmata, Venstret marloriarlutik SF-ilu ataasiarluni taarsiisut.
Oqaaseqartartut tamarmik inissipput
Massakkut Nunarput pillugu oqaaseqartartut:
Socialdemokraterne: Flemming Møller Mortensen
Radikale: Oqaaseqartartussaq aggustip 11 aamma 12-ani ataatsimiinnermi toqqarneqassaaq.
SF: Annette Vilhelmsen
Enhedslisten: Finn Sørensen
Venstre: Claus Hjort Frederiksen
Dansk Folkeparti: Søren Espersen
Liberal Alliance: Villum Christensen
Konservative: Per Stig Møller