Nunarput Norgelu 2018-imut aalisarnissamut isumaqatigiissuteqartut

Nunatta Norgellu aalisarneq pillugu aappaagumut isumaqatigiissutaat nutarteqarpoq. Aalisarnermut Piniarnermullu naalakkersuisoqarfik taama allappoq.
Assi © : Royal Greenland
Allattoq Anton Gundersen Lihn
decembarip 14-at 2017 09:22
Nutserisoq Bikki P. Kleist

Aalisarneq pillugu isumaqatigiissummi nunatsinni norgemilu imartani aalisakkat assigiinngitsunik aalisarsinnaaneq taamaalilluni aalajangersarneqarpoq.

Isumaqatigiissut 1992-imeersumut assinguvoq.

AAMMA ATUARUK Kalaallit Nunaat Ruslandilu aalisarnermik isumaqatigiissuteqarput

Kalaallit Nunaat 2018-imi Norgemi saarullinnik ukiormannamit sanilliullugu immikkut 300 tonsinik aalisarsinnaalerpoq, Norgelu nunatta imataani tupissutinik/  imminnguanik 100 tonsinik aamma suluppaakkanik immikkut 200 tonsinik  aalisarsinnaassalluni.

Norgemik 2018-imut isumaqatigiissuteqarneq Aalisarnermut Piniarnermullu Naalakkersuisoqarfimmit aamma aalisarnermik inuussutissarsiuteqartunit naammagisimaarneqarpoq, nunatsinnut naleqartinneqaqaluni.

AAMMA ATUARUK Europamiut nunatta imartaani aalisarnerat pillugu isumaqatigiissut piareertoq

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq