Nunarput nittarsaanneqarluarpoq
Julie Berthelsenip erinarsoqatigiivisa AllStarsimi peqataanerat Kalaallit Nunaata nittarsaanneqarneranut 20 millinit koruuninik naleqarpoq. Sermitsiami ullumi saqqummersumi tamanna allaaserineqarpoq.
Taama naliliivoq misissuinermik ingerlatsivik, Infopaq, taanna Kalaallit Nunaanni Takornariaqarnermut Inuussutissarsiornermullu Siunnersuisoqatigiit, tassa GTE, sinnerlugit taakkartorneqarnerup nalinganik naatsorsuisimavoq.
TV-kkut aallakaatitassiaannaat 9,3 millionit koruuninik naleqarput, tusagassiorfinni naqitani taakkartorneqarneq, ilaatigut aviisini ullormut saqqummersartuni allaaserisatigut, 5,3 millionit koruuninik naleqarpoq, taavalu netsimi taakkartorneqarnerup nalinga 5 millionit koruuninik nalilerneqarluni.
AllStarsikkut naggammik tusanngilavut, ussassaarinermut ataqatigiissaarisoq Mads Nordlundimi, Kalaallit Nunaanni Takornariaqarnermut Inuussutissarsiornermullu Siunnersuisoqatigiinneersoq aviisimut Sermitsiamut ima oqarpoq:
- Tamatumunngalu atatillugu angalatitseqatigiiffiit suleqatigisallu qaaqquniarpavut angalaffissamut tullermut atatillugu Kalaallit Nunaannik saqqumilaartitsinissamut. Tamanna ukiamut periissaaq, Mads Nordlund oqarpoq.
