Nunarput Island Gamesimi bronzinnappoq
Angutit volleyballimik Nunarput sinnerlugu unammisartut Qeqertarmiut unammisaqattaarneranni, Ålandip qeqertaanni maanna ingerlanneqartuni ullaap tungaa bronzinnapput. Tamanna pivoq Skotlandimiunut unammisoqareersorlu.
Allattoq Elisa Isaksen
Tassalu Kalaallit Nunaanni volleyballertartut kattuffiata oqaluttuarisaaanerani angutit siullerpamik bronzimik ujamminnassapput. Kalaallit Nunaanni Volleyballertartut kattuffiata siulittaasua, Aalipaaraq Kreutzmann, taama nalunaarpoq.
Angutit volleyballimik unammisartut Island Gamesini 1993-imi nr. 4-tut inissipput, tassalu aatsaat taama pitsaatigisumik angusaqarlutik.