Nunarput avataaniit qarmarpaat
Nunat G77-imi ilaasortat, tassa EU-mut USA-mullu atanngitsut soqutigisaraat nunaminni ineriartortitsinissaq, ingammik inuutissarsiutinik ineriartortitsinissaminnut aningaasanik isertitsisinnaasunik.
Allattoq Elisa Isaksen
juulip 03-at 2009 17:19
Nunat EU-p USA-llu avataanni inissisimasut G77-imilu ilaasortaasut nunarput ilaasortaaqatigiumallugu qarmaraat Kuupik Kleist oqarpoq.
Taakkualu nunarput soqutigeqaat ilaasortaaqatigerusullugulu.
Soorunalimi nunarput pinngortitamik annertuumik inuuniuteqartutut, nunarsuarmioqatigiillu CO2mik minguttitsinerannik sunnerneqaqisutut soqutigisaraa nunarsuatta minnerusumik minguttinneqarnissaa. Aammali namminersuleratta pisariaqartipparput isertitaqarnissarput inuutissarsiutinillu piorsaanissarput.
G77-imi ilaasortat nunarput ilaasortaatitarerusuppaat, taamaammat illuatungeriit tamaasa ilaaffigaagut. Tassami CO2 kvotenik pissarsisariaqarpugut pinngortitamik eriaginnittunut peqataajutigaluta, naalakkersuisut siulittaasuat Kuuipk Kleist oqarpoq.
