Nunarput aningaasaatilissuartut
Nunarsuarmilu aningaasaqarniarnikkut siunissami Kalaallit Nunaata aningaasaqarnera qitiusorujussuulluni Attalip siunissamut takorluugaani ilaavoq. Takorluugaq aallatippoq arsaalluni nunarsuaq tamakkerlugu pissartanngorniulluni anngunniunnerit, Kina Indialu unammisut, ajugaaniutivinnerlu Kalaallit Nunaanni, kunngiitsuuffiusumi, illoqarfiit pingaarnersaanni, Nuummi, arsaattarfimmi ingerlanneqassalluni.
Attalip takorloorpaa Nuuk provinsitut Danmarkimut atareerluni ukioq 2014-imi namminiilivissimassasoq, taamalu pisoqareermat uuliaqarnerujussua pissutigalugu nunarsuaq tamakkerlugu pisuunerpaanngorsimassasoq, Jacques Attalip takorluukkaminik allaaseraa.
Kunngiitsuuffik Kalaallit Nunaat ukioq 2029-mi 1 millioninik inoqalersimassaaq, ullumikkut innuttaasunut naleqqiullugu 20-eriaammik inoqarnerulersimassalluni. Innuttaasut tassaassangatinneqarput aningaasaqarnermut ilisimatuut, ukioq 2010-mi tikissimasut, taamanikkut Tuluit Nunaat aningaasaqarnikkut ajalusoorujussuarnissamut qanilleruttormat. Canadamili Kalaallit Nunaannilu uuliamik annertoorujussuarmik nassaartoqarallartillugu nunarsuarmi aningaasarsiorneq siumut saatinneqartoq, Kalaallit Nunaat siuttuulerluni, franskip præsidentimut siunnersuisartup takorluukkersaarutini aningaasarsiorneq pillugu atuagassiami, L’Expansionimi, naggaserpaa.
