Nunarput 2016-mi AWG-mik aaqqissuissaaq

Nunarput Arctic Winter Games 2016-mi aaqqissuisuussanersoq Inatsisartut ullumi aappassaanneerlugu oqaluuserilerinikku isummerfigissavaat. Ilimanarluinnarporlu Nunarput taamanikkussamut aaqqissuisuussasoq, siullermeerlugu oqaluuserineqarmat tamarmiullutik akuersaaramikku.
Allattoq Ludvig Siegstad
maajip 09-at 2012 11:10

Timersortartut 1.300-it nunani issittuuneersut nunatsinni timersornikkut unammersuartissallugit akikitsuinnaanngilaq.

Kultureqarnermut Naalakkersuisup Mimi Karlsenip siunnersuummut atatillugu saqqummiussaani atuarneqarsinaavoq aningaasartuutissat 44,5 million koruniusussatut, taakkulu Namminersorlutik Oqartussanit Kommuneqarfik Sermersuumillu avillugit akilerneqassasut.

Kulturimik sammisallit tusagassiuuteqarfinneersullu 340-it peqataassapput inuillu 100-it pingaarutillit aamma peqataassallutik, kiisalu piumassutsiminnik ikiuuttut 1.300-sallutik.

Nuummi timersuutit qulit  unammissutigineqassaput. Timersornermik nuannarisallit Nunatsinni siullermeerutaamik takussavaat paaneq aamma sisoraaserluni oqattaaserneq.

Iqaluit Arctic Winter Gamesillu International Kommitea isumaqatigiipput sukuutserluni unammiuaarnerit Iqalunni unammissutaassasut, unammineq nunatsinnit aaqqiissuusaasutut pineqarluni akisussaaffigineqarlunilu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq