Nunaqarfinnut pajuttaatit ilaasartaatillu nutaat eqqarsaatigineqarput

Royal Arctic Linep nunaqarfinnik sullissiviata nutaanik umiarsualiortitsissanerluni ukiormanna aalajangiiffigissavaa.
Allattoq Jaaku Lyberth
apriilip 10-at 2008 06:24

Umiarsuaaqqat maanna assartuutaallutillu ilaasartaataasut mikivallaarlutillu nutaanngilisuuissimasut ukiuni marlussuinnarni taamaallaat suli atuussinnaassapput, taamaammat 2010-mi 2011-imilu umiarsuaaqqanik nutaanik pisinissaq siunniunneqarpoq.

Royal Arctic Linep nunaqarfinnut sullissivia ippassaq ataatsimeersuarmat ukiumoortumik nalunaarusiami saqqummiunneqartumi tamakku atuarneqarsinnaapput.

Nunaqarfinnut sullissivik siorna januaarimi pilersinneqarpoq, KNI-Assartuiviup nunaqarfinnut sullissinera tiguneqarmat.

Nunaqarfinnut Sullissivik 2007-imi 56.401 koruuninik amigartoorpoq.

Amigartoornermut pissutaanerpaapput, assartuutit ukua “Angaju Ittuk”, “Aqqaluk Ittuk”, “Johanne Kristine” aamma “Anguteq Ittuk” amutsivinniitinneqartarnerat.

Nunaqarfinnik sullissivik siorna 43-nik sulisoqarpoq, ulluinnarnilu aqutsineq Royal Arctic Linep isumagisaraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq