Nunaqarfinnut immakkut angallassineq unikkallarpoq

Angaju Ittuk aqagu Kapisilinnukarniarsarissaaq. Angaju Ittuk Nuummiit useqassaaq, Kapisilinnulli tulassinnaanissaq nalorninartoqarmat, Angaju Ittuk ilaasoqarnianngilaq. Kapisilinnulli tulassinnaassappat, Kapisilinniit Nuummut ilaasoqarsinnaassaaq.

Nuup Qeqertarsuatsiaallu akornanni sikuuvallaaqimmat imaatigut angallanneq tamaani unitsinneqarallarpoq.

Nuup avannaani nunaqarfinni ingerlariaqqissinnaajunnaartut ornitassaannut anngunnissaat qanoq aaqqiivigineqassanersoq pillugu Royal Arctic Bygdeservice-p Namminersornerullutik Oqartussat suleqatigai. Aaqqiissutissat nassaarineqariaqarpata avammut nalunaarutigineqarumaartut, Royal Arctic Bygdeservice tusagassiutinut nalunaarummini allappoq.

Sikuuneranik ajornartorsiutit qaangiuteriarpata nunaqarfinnut immakkut angallanneq nangeqqinneqassaaq.