Nunaqarfinni tunitsivinni sulisut toqqissisimajunnaarput

Nunaqarfiit tunitsiviminnik matusaasinnaasut ilaanni sulisut toqqissisimajunnaarput, nunarsuarmilu aningaasatigut ingerlanerlunneq sunniuteqalerpallaartinnagu naalakkersuisut aningaasaliinissamut sillimasariaqarsorineqarput. Ikerasaarsummi tunitsivimmi pisortaq Lars Karlsen ima oqarpoq.

Soorunalimi uatsinnut eqqissisimanngitsorujussuanngorpormiaa kingumut soorlu kingullermik pilersuisumiinnitta nalaanitut pisoqaqqilermat kingumut aarleqqutigilerparput qanoq pineqassanerluta.

Taamatut oqarpoq Lars Karlsen, Ikerasaarsummi tunitsivimmi pisortaq. Ikerasaarsummi sulisut nalinginnaasumik amerlanerugaangamik sisamaasarput sulisullu ataatsip ullut 14-inut

4 imaluunniit 5.000 kronet isertitarisartagartik annaariaannaavaat, Royal Greenlandip tunitsivik tassaniittoq matuneqassasoq aalajangiiffigissappagu.

Kangaatsiap eqqaatalu eqqugaanissaa ernumanarsinnaavoq, tassami Ikerasaarsuup saniatigut Kangaatsiami Niaqornaarsummilu tunitsiviit matuneqassanersut Royal Greenlandimiit nalilerneqariaannaammata.

Qeqqata Kommunia eqqugaanerpaariaannaavoq, Sarfannguit, Itilleq, Kangaamiut Atammillu aamma Royal Greenlandimiit naliliiffigineqartussaammata.

Kommuneqarfik Sermersuussami Nuuk, Qeqertarsuatsiaat Arsullu aamma ammaannassanersut naliliiffigineqartussaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat