Nunaqarfinni meeqqat pisinnaatitaaffii eqqortikkuminaattarput

Nunaqarfinni inunnik ikiuiniarneq illoqarfimmut sanilliullugu ajornarnerujussuuvoq, ikiortissaaleqinerlu peqqutaalluni ilaatigut allatut ajornartumik ilaqutariit meerartallit ikiorserneqanngitsoortarput, Jens Peter Mølgaard Qeqertarsuarmiit pikkorissaqataasimasoq ilaatigut taamatut oqarpoq.

Nunaqarfinni sullissisut akornanni kisimiilluni nunaqarfinni suliniarneq ajornartorsiutaasinnaasarpoq. Kommunefogede amigaatigineqartillugu inunnik isumaginnittoq aamma politiitut sulilertariaqartarpoq. Tamatuma kingunerisinnaasarpaa ilaqutariinnik meeratalinnik ikiorsiinngitsoorneq.

Illoqarfinni angajoqqaarsianik ikiortissaqartoqartarpoq, nunaqarfinni soqarneq ajorsinnaalluni. Taamaasilluni ilaqutariinni ajornartorsiortoqartillugu akuliutinngitsoortoqartarpoq, tamannalu meeqqat pisinnaatitaaffiinik uniuinerusoq Jens Peter Mølgaardip oqaatigaa.