Nunaqarfinni marlunni qimmit qimmit nappaataannik toqquteqarsimasorineqartut

Avannaani qimmit, qimmit nappaataannik nappaateqalersimagunarput. Nunatsinni uumasut nakorsaqarfik inuussutissalerinermillu oqartussaqarfik Qeqertamit Saqqamiillu qimmit nappaalalersimaneri pillugu saaffigineqarsimasoq, Naalakkersuisut nittartagaanni atuarneqarsinnaavoq.
Allattoq Karsten Sommer
januaarip 26-at 2016 05:22
Nutserisoq Mads Lynge

- Ilisimatinneqarpugut Qeqertami qimmit qimmeqatigiinnit marlunnit 20-t missaaniittut toqusimasut, Saqqamilu qimmit tallimat missaanniittut aamma toqusimallutik, uumasut nakorsaat Jennifer Andersen, uumasut nakorsaqarfik inuussutissalerinermillu oqartussaqarfimmeersoq oqarpoq.

Qimmit nappaataasa ersiutaat tunngavigalugu uumasut nakorsaat naliliipput qimmit nappaataasa malunniutaasa allaaserineqarnerat tunngavigalugu, qularnanngitsumik qimmit nappaataat tassaasoq qimmit nappaatigisartagaat canine  distember virus.

- Qimmiutillit kajumissaarusuppagut qimmitik pisarnertik naapertorlugu qimmit nappaataannut parvo-virusimullu akiuussutissamik kapitittaqqullugit, perlerornermut, rabies, inatsit naapertorlugit pisussaaffittut kapiteqqullugit, Jennifer Andersen oqarpoq.

Kalaallit Nunaanni Qimussertartut Kattuffiata, KNQK-p, siulittaasuata Mikkel Jeremiassenip, Qanoruumut ippassaq ataasinngornermi oqaatigaa paasitinneqarsimalluni qimmit 40-t nappaalallutik toqusimasut.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk