Nunaqarfinni atuarfiit sipaarniarnermit eqqugaapput
Nunaqarfinni arfineq-pingasuni atuarfiit iluarsarneqarnissaat ukiormanna pisinnaassanngilaq, taamatut nalunaaruteqarpoq Ineqarnermut Naalakkersuisoq Jens B Frederiksen, inatsisartuni ilaasortap Hans Enoksenip, paragraf 36 atorlugu naalakkersuisunut apeqquteqaataanut akissuteqarnermini.
Allattoq Jaaku Lyberth
Nunaqarfinni atuarfiit ukiup sinnerani iluarsarneqarsinnaanngitsut tassaapput Upernavik Kujallermi, Sarfannguani, Ikerasaarsummi, Ikamiuni, Nuussuarmi Upernaviup eqqaaniittumi, Naajaani, Innaarsunni Iginniarfimmilu atuarfiit.
Ilanngullugu nalunaarutigineqarpoq nunaqarfinni allani atuarfiit, meeqqat atuarfiinut pilersaarummi qanoq iliuuseqarfigineqarnissaannut 2010-mut aningaasanut inatsisissatut siunnersuutip akuersissutigineqarneranut atatillugu Inatsisartut aalajangiinissaat apeqqutaajumaartoq, Ineqarnermut naalakkersuisoq Jens B. Frederiksen, akissuteqarnermini taamatut allappoq.