Nunaqarfinni Aqutsisut qarasaasiakkut isummersoqatigiittalissapput
Kommuunit kattunnerisa kingorna oqartussaaffiit eqiterneqarput nunaqarfiilli ilaat kattullutik, taamaattumik qanimut oqartussaaqaataaneq pillugu oqallittoqarnissamik ineriartortitsinissaq pisariaqartinneqartoq, Nunaqarfinni Aqutsisut oqallittarfissaannik suliniuteqartoq, KANUKOKA-mi siunnersorti, Svend Møller oqarpoq.
-Oqallittarfissaq nuna tamakkerlugu oqalittarfiussaaq, soorlu Nunaqarfinni aqusisut imminnut aperisinnaapput, namminneq nunaqarfimminni pissutsit aalajangersimasut pillugit aaqqiissuteqartarnerit pillugu aperisoqarsinnaalluni, nunaqarfimmi aqutsisoq avannaanikkuni, kujataaniikkuni tunumiikkuniluunniit. Kommuunini atorfillit KANUKOKA-p qarasaasiakkut nittartagaani maannakkut oqalittarfeqareersut, Svend Møllerip oqaatigaa nangillunilu:
Qarasaasiakkut nittartakkami Nunaqarfimmi Aqutsisut oqallittarfeqalerneratigut Nunaqarfinni Aqutsisut qanimut oqartussaaqaaneq pillugu oqallinnerat ineriartortinneqarsinnaasoq.
Nunaqarfinni Aqutsisut katillugit 106-iusut oqalittarfiissaat KANUKOKA-p nittartagaani pilersinneqassaaq. Nunaqarfinni ilaasortat qassit qarasaasiamik attaveqarnersut maannakkut misissorneqarpoq. Kommuneqarfik Sermersooq Nunaqarfinni Aqutsisut qarasaasianik atuisinnaanissaanik pikkorissartitsinissamik neqerooruteqarpoq. Oqallittarfiup ineriartortinneqarneranut Kommuneqarfik Sermersooq suleqatigineqarpoq, taamatullu Qaasuitsup kommunea suleqataajumalluni nalunaarsimalluni.