Nunaqarfinni aqutsisut ataannassapput
Nunaqarfinni aqutsisut atorunnaarsinneqassanngitsut,
Inatsisartut Aaqqissuusseqqinnissaq pillugu Ataatsimiititaliarigallagaata piumasaraa. Kommuninik kattussuussinissamut atatillugu Naalakkersuisut siunnersuutigigaluarpaat nunaqarfinni aqutsisut atorunnaarsillugit sumiiffinni siunnersuisoqatigiinnik pilersitsiortortoqassasoq. Inatsisartulli aaqqissuusseqqinnissaq pillugu ataatsimiititaliaata inatsisissamut allannguutissatut siunnersuutigaa, kommunalbestyrelsit periarfissinneqassasut nunaqarfinni aqutsisut ataannarnissaannut immikkorluinnaq akuersisinnaanngortillugit. Ataatsimiititaliaagallartup siunnersuuteqarnermigut angorusuppaa nunaqarfinni aqutsisut atorunnaarsinnagit amerlassusaat affaannanngortinneqassasut. Nunaqarfinni aqutsisut qassinik ilaasortaqassanersut, nunaqarfiillu sumiittut ataatsimut aqutsisulersorneqassanersut kommunalbestyrelsit oqartussaaffigissagaat siunnersuutigineqarpoq.