Nunaqarfimmiut qineqqusaarnermi qaangiinnarneqartutut misigisimasut

Kujataani, tunumi avannaanilu angallannikkut ajornartorsiutit pissutigalugit qineqqusaartut  nunaqarfinnut angalasinnaasinmanngillat.

Tamatuma kinguneraa  nunaqarfimmiorpassuit inatsisartunut qinigassanngortittunit tikinneqannginnerannik.
Inatsisartunut qinersinermut atatillugu oqallinnerni,  nunaqarfinni atugassarititaasut eqqartorneqartannginnerat malugineqarpoq.

Qineqqusaartoqarnerani nunaqarfinni ikuallaaviit atorneqanngitsut oqaluuserineqannginnerat maluginiarneqarpoq.

Taama oqarpoq Aappilattumi Narsarmijini  aamma Tasiusami nunaqarfinni aqutsisut siulitaasuat Angajo Manassen

- Aappilattumi ikuallaavik 1990-ikkuni atulerpoq ukiorlu ataasinngiutsoorluunniit atorpoq, kingornalu ikuallaavitttut atorneqarani, eqqakkat silami ikuallanneqartarput,  Angajo Manassen oqarpoq,  sineriassuatsinni nunaqarfinni ikuallaaviit amerlasuut sananeqarnikuupput atorneqaratillu,  ikuallaaviillu tallimaagunartut ikuallaavittut atorneqarlutik, Angajo Manassen oqarpoq.  

Kalaallit Nunaani nunaqarfinni amerlanerni ajoqit soraarningortussaapput taakkualu taartissaanik isumannaarinnittoqartariaqartoq Angajo Manassen isumaqarpoq.

 Ajoqinngorniarsinnaanerit  ilinniartitaanerallu ersarinnerusariaqartoq taamatullu oqaluffinni pattattunngorsinnaanermut ilinniartitaaneq  Angajo Manassen isumaqarpoq,  

- Aappilattumi ikuallaavik 1990-ikkuni atulerpoq ukiorlu ataasinngiutsoorluunniit atorpoq, kingornalu ikuallaavitttut atorneqarani
Nunaqarfinni Kullorsuarmi Isortumilu meeqqeriviit amigaatiginearput.    Nunaqarfimmi Isortumi meeqqat atuarfimmi piniartut iluanni katitikkami paarineqartarput, taassumalu illutaata aappaa oqoqarsorineqarmat atorneqarneq ajorpoq, Isortumi atuarfiup pisortaa Henrik Potch oqarpoq.

Isortup atuarfiani atuartut qulingiluaapput.

- Isortumi atuarfik piniartut nuliaasalu sullissivissaattut 1989-mi sananeqarpoq,  kisianni maanna atuarfittut atorneqarluni, Isortumi timelærereq Ena Enoksen oqarpoq.

Kullorsuaarmi avannaannilumi tamarmi meeqqat ukkatarineqarpoq.

Kullorsuarmi nunaqarfinni aqutsisunut ilaasortaq Karl-Erik Jensen oqaluarpoq, Kullorsuarmi atuarfik meeqqerivittut aamma atorneqartartoq. 1 klassemi atuartut soraaraangata atuarfik meeqqat ornittagaattut atorneqarlertarpoq

- 1 klassit atuarfimmit soraaraangata meeqqat pingasuniit tallimat tungaannut ukiullit atuarfimmi meeqqat ornittagaannut meeqqerivittut atorneqartumukartarnerat nalinginnaasuuvoq, Kullorsuarmi nunaqarfinni aqutsisuni ilaasortaq Karl-Erik Jensen oqarpoq.

Karl-Erik Jensenip kujataani Aappilattumi  nunaqarfimmioqatimi amigaatigisai tassalu ikuallaaveqannginneq ajoqissaaleqinerillu ilisarisinnaavai.