Nunaqarfimmiut imigassartaqanngitsumik juullisiortussanngorput
Nunavummi nunaqarfeeqqat ilaanni Eqaluttuutsiami meeqqat nuannersumik juullisiornissaminnik periarfissaqalerput.
Allattoq Louise M. Kleemann
Nunaqarfeeqqamut tassunga, 1400-t missaannik inulimmut imigassamik eqqussineq juullip nalaani inerteqqutaalissasoq, illoqarfimmi aqutsisut aalajangeqqammerpaat.
Eqqussinissamik inerteqqut ulluni 14-ini, tassa decembarip 20-niit januaarip aappaanut atuutissaaq.
Taamaasillutik meeqqat nuannersumik juullisiornissaminnik qilanaalereersinnaanngorput.
Nunavummi nunap immikkoortui ukiumut pingasoriarlutik imigassamik inerteqqummik aalajangiisinnaatitaasut, Nunatsiaq Newsimi aamma allaaserineqarpoq.