Nunaqarfimmi toqutsisup eqqartuussaanissaa ullumi aallartippoq

Toqutsinermik suliat alianarnersaasa ilaannik eqqartuussineq Ilulissani eqqartuussivimmi ullumi aalalrtissaaq. Angut 23-nik ukiulik Nutaarmiuni inunnik pingasunik toqutsisimasutut sisamanillu toqutseriarsimasutut unnerluussaavoq.
Allattoq Peter Troelsen, Simon Uldum
apriilip 02-at 2013 08:44

Nunaqarfeeraq Nutaarmiut siorna februaarip ulluisa arfineq pingajuani aassunneqisumik pisoqarfiuvoq. Angut taamani 22-inik ukioqartoq niviarsiaraq arfineq pingasunik ukiulik, arnallu marluk 75-inik 31-nillu ukiullit toquppai. Aamma nunaqarfimmi 50-it missaannik innuttalimmi inunnik sisamanik toqutseriaraluarpoq.

Angutip 23-nik ukiullip eqqartuussaanera ullumi aallartissaaq. Eqqartuussineq Hotel Arcticimi ingerlanneqarpoq. Unnerluussisussaatitaasup tarnikkut misissuisimaneq tunngavigalugu angut 23-nik ukiulik piffissaligaanngitsumik parnaarussaanissaanik piumasaqaateqarpoq. Eqqartuussinerup sisamanngorpat naammassineqarnissaa naatsorsuutigineqarpoq.

KNR ilanngutassiisartumik malinnaasitsivoq suliarlu alianartoq ulluni pingasuni malittarissavaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq