Nunaqarfimmi suliffissaqarani inuuniapiloornaqaaq

Sisamanik meeraqarluni, suliffissaqarani uiusullu suliunnaarnersiutai, qaammammut 6.000 koruunit missaanniittut, kisiisa inuuniutigalugit naammattusaarinartaqisoq, nerisassaqannginnermilu ilaquttat ikiuuttanngitsuuppata inuuniapiloornartassagaluaqisoq, nunaqarfimmioq suliffissaaleqisoq oqarpoq. Meeqqat Inuusuttullu Pillugit Ilisimasaqarfiup saqqummersitaa, ”Kalaallit Nunaanni meeqqat piitsuunerat”, naapertorlugu, meeqqat nunaqarfinni najugallit piitsussutsimik eqqugaanerupput.Sisamanik meeraqarluni, suliffissaqarani uiusullu suliunnaarnersiutai, qaammammut 6.000 koruunit missaanniittut, kisiisa inuuniutigalugit naammattusaarinartaqisoq, nerisassaqannginnermilu ilaquttat ikiuuttanngitsuuppata inuuniapiloornartassagaluaqisoq, nunaqarfimmioq suliffissaaleqisoq oqarpoq.

Meeqqat Inuusuttullu Pillugit Ilisimasaqarfiup saqqummersitaa, ”Kalaallit Nunaanni meeqqat piitsuunerat”, naapertorlugu, meeqqat nunaqarfinni najugallit piitsussutsimik eqqugaanerupput.

Nanortallip pigisaani Aappilattumi 150-it missaanni inulimmi, 20-llu missaanni suliffissaaleqiffiusumi anaanaq suliffissaaleqisoq, meeqqanik sisamanik pilersugalik, uimilu suliunnaarnersiutaannaanik isumalluutilik naammattusaariinnavilluni inuusariaqarpoq.

- Naammattusaarisaqaagut, niiverniartarpugut akikinnersiuilluta. Kisianni ullunut ikitsuinnarnut niiverniarsinnaasarpugut. Piniagassanik ajornaraangat angajoqqaama ikiortarpaatigut nerisassaaleqileraangatta, soorlu iffianik iffiaq qaqortunik ilaatigullu igaassanik ikioqatigiissinnaasarluta, Ester Erngsen oqaluttuarpoq. Meeqqat atisassaannik niivertarfiit akikilliliigaangata iluatsitsinngikkaangamik aamma sussaqarneq ajorlutik taassuma oqaluttuaraa.

Ester Erngsenip uiata sulisinnaajunnaarnersiutai illumut, kiassarnermut innaallagissamullu aamma atorneqartarput.