Nunaqarfimmi pisiniarfik matuvoq
Pilersuisup Niaqornani pisiniarfiani sulisut piffissami sivitsulersumi naammagittaalliutigisarsimavaat anillanneq anersaartorfitsigullu ippigisaqarneq. Maanna paasinarsivoq taamaattoqarneranut annertuumik oqoqarnera pissutaasoq.
Pilersuisoq taamaattumik aalajangerpoq Niaqornani pisianiarfik matugallarniarlugu maannalu nunaqarfimmi niuertarfiusinnaasumik allamik ujarlerput.
- Juullimut niuffanneq aallartisaleruttorpoq, Pilersuisullu tungaaniit sulissutigissavarput ajunnginnerpaamik atuisutsinnut kiffartuussinissarput, naak ippinnartoqarsinnaagaluartoq. Paasequssavarpulli taamaaliornitsigut sulisut atuisugullu illersorniaratsigit, Pilersuisumiit Frederik Olsen nalunaarpoq.
Sanasut Uummanamiit aggersarneqareerput oquttoqarnerani iluarsagassanik misissuiartortussat.