Nunaqarfimmi najugallit uummatimikkut nappaateqarnerupput
Nunaqarfimmiut kalaaliminernik nerisaqarnerunerat pissutigalugu uummatimikkut nappaateqannginnerunerarlugit ukiorpassuarni oqartarneq ilumuuvissorunanngilaq.
Illoqarfimmiunut naleqqiullutik nunaqarfimmiut uummatimik taqarsuatigut milittoortarnerat silaannaaruttarnerallu akulikinneruvoq. Danmarkimi inuit peqqissusaannik misissuisitsisarfiup Statens Institut for Folkesundhedip kalaallit peqqissusaannik 1999-imiit 2002-imut misis suisitsinerata tamanna takutippaa Statens Folkesundhed-imi seniorforsker Marit Eika Jørgensen oqarpoq.
Nunaqarfinni uummatimikkut nappaateqartut amerlanerat tupaallaatigaarput. Ukiorpassuarnimi oqartoqartarnikuuvoq kalaallit uummatimikkut nappaateqarneq ajortut. Piniartutut inuunerup malitsigisaanik immami pisarisanik inuussuteqarnikkut uummatikkut nappaateqarsinnaanermut illersuuteqarneq oqaatigineqartuaannarnikuuvoq. Ilisimatuussutsikkut misissuinerit atuaqqissaarsimavavut, ilisimatuussutsikkullu tunuliaqutaqarluni inerniliineq
annikigineqarsinnaavoq, paasisavullu annertugisassaanngimmata erseqqissarneqartariaqassaaq nunaqarfimmiut inuunermi pissusilersuutinit pissuteqartunik immikkut illersugaanngimmata.
Taamatut oqarpoq Statens Institut for Folkesundhedimi ilisimatooq seniorforsker Marit Eika Jørgensen misisusitsinermik suliaqartoq