Nunaqarfimmi aqutsisut sanaartornissamut paasisaqarusupput

Ilimanami Oqaatsunilu sanaartornissamut pilersaarutit, ukioq manna piviusunngortinneqassanersut, nunaqarfinni aqutsisunit suli paasineqanngillat.
Allattoq Oline I. Olsen
apriilip 07-at 2010 15:37

- Nunaqarfinnut pilersaarutit pillugit suli tusagaqanngilagut, Ove Villadsen aqutsisuni siulittaasoq oqarpoq.

Sanaartugassatut siunnersuutigineqartut Qaasuitsup kommuniani kommunalbestyrelsemut 2009-mi augustimi tunniunneqarput. Tassa Qaasuitsup kommuniani aningaasanik missigersuusiornissaq sioqqullugu tunniunneqarlutik.

- Tassa massakkumut ajoraluartumik ukiup siuliani 2009-mi aningaasassaqartinneqarsimanngilaq, aamma 2010-mi suli tusagaqanngilagut. Imaluunniit uani ukiumut uunga tulliuttumut qanoq aningaasatigut qanoq immikkoortitsiffigineqarsimanersugut.

Nunaqarfinnilu sanaartugassatut siunnersuutigineqartut nunaqarfiup ineriartorneranut pingaaruteqartut, Nunaqarfimmi aqutsisut siulittaasuaq Ove Villadsen oqarpoq.

- Takornariaqarfiuvugut Oqaatsuni aamma Ilimanami, aamma aalisartoqarfiulluta, taakkua pitsaasuunissaat pingaaruteqarpoq, Ove Villadsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq