Nunavik Nunaqarfimmi Akulivimmi alianartumik pisoqartoq

Tillinniap inuusuttup inuit pingasut arfininngornermi toquppai.

Nunaqarfimmi Nunavimmiittumi Akulivimmi alianartumik arfininngornermi pisoqarpoq.

Inuit nunaqarfimmi Akulivimmi toqutaasimapput. Akulivik Quebecip avannaatungaaniippoq inuilu 650-iullutik.

Angut inuusuttoq 19-inik ukiulik angerlarsimaffinnut pingasunut arfininngornermi unnukkut tillinniarpoq. Takunnittullu unitseriaraluarmassuk, angutip inuusuttup inuit tallimat savimmik kapisimavai. Inuit pingasut toqutaapput, taakkunannga meeraq qulinik ukiulik.

Kativiup politiivisa angut inuusuttoq illumut allamut iseriaraluartoq siumorpaat, sivitsunngitsorlu aallaavaat toqullugulu.

Toqutsinini allaaseraa

Angut 19-inik ukiulik Illitak Anautamik ateqarpoq, toqoraaninilu facebookimini ima allaaseraa:

- Inuit tallimat savimmik kapivakka. Soqutiginngilara inuarsimaguma, Anautak allappoq.

Nunaqarfimmi aqutsisunut ilaasortap Timothy Aliqup tv-qarfimmut CTV-mut oqaatigaa nunaqarfimmiut aliatsassimaqisut aqutsisullu iliuusissamik ujartuiniarlutik naapeqatigiissasut.

Inuit katillugit sisamat arfininngornermi toqutaapput arlallillu ikilerneqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat