Nunaqarfiit pillugit aalajangiisoqarniarli!
- Politikerit suniarnerlutik maanna nalunaartariaqalerput. Nunaqarfiit matuniarneqarpat, imaluunniit isorliunerusut suniarpavut. Tassa maannakkut aalajangertariaqalerput, Tønnes Berthelsen oqarpoq.
Tassa nunaqarfinni sulisut 160-it missaanniittut pineqarput. Imaappoq matuneqassagaluarpata ilaqutariippassuit eqqugaasussaapput?
Tassa taamaalluinnarpoq. Massakkut misilittagaqareerpugut, matusisoqaraangat qanoq pisoqartartoq. Nalunngilarput ilaqutariinnikkut eqqugaasut amerlasaqisut, taamatut nutsertoqaraangat.
Meeraagallaratta nuuttut qanoq pineqartartut eqqaamavarput. Tamakku peqqissanngippata aaqqissuussaanerusumik inuillu inuunerannik ataqqinninnerusumik politikikkut aalajangiinerit pisariaqarput, Tønnes Berthelsen oqarpoq.