Nunaqarfiit mininnagit

Kommuninik aaqqissuusseqqinnissamut suleqatigiissitat siunnersuutigaat aaqqissuusseqqinneq atuutilersinnagu nunaqarfinni aqutsisut taartissaannik innuttaasullu qinigaannik kommunalbestyrelsit ataanni sinniisoqarfeqalissasoq.

Nunaqarfinni aqutsisoqarneq atuisartoqarnerlu sumiiffinni oqartussaaqataaneq aqutseriaatsillu pillugit suleqatigiissitanit sammineqarsimavoq. Atuisartut siulersuisuinik akissarsiaqaratik sulisussanik pilersitsisarnissaq tunngavissaqanngitsoq suleqatigiissitap isummerfigaa.

Taamaattumik suleqatigiissitap siunnersuutigaa kommunalbestyrelset ataanni innuttaasut qinigaannik sinniisoqarfeqalissasoq nunaqarfinni aqutsisut taartissaannik. Innuttaasut sinniisaat taakku kommunalbestyrelset atuisut siulersuisuisut pilersissinnaavaat. Illoqarfinni nunaqarfinnilu pilersinneqarsinnaasassapput. Kommunalbestyrelsellu nammineq aalajangigassarissavaa sumi pilersinneqassanersut, qanoq oqartussaaffeqassanersut qassiussanersullu. Kanukokap Aaqqissuusseqqinneq pillugu paasissutissiinnerani taama allassimasoqarpoq.

Suleqatigiissitat assigiinngitsut Nuummi septembarip naanerani katersuuteqqissapput, tamatumalu kingorna oqarasuaatikkut ataatsimiittarlutik suliatik nangeqqissavaat.