Nunaqarfiit kattullutik qinersiveqalissapput
Nunaqarfiit aqutsisuinut ataatsimoorussamik apriilip 28-anni qinersinissamut atatillugu nunaqarfiit sorliit kattutissanersut Naalakkersuisunit maanna aalajangerneqarpoq.
Allattoq Lotte Holm
Nunaqarfiit sorliit ataatsimoorussamik qinersivinngornissaannut kiisalu qanoq amerlatigisunik ilaasortaqarnissaannut kommunalbestyrelsit siunnersuutigisaat Naalakkersuisunit akuerineqarlutik aalajangiunneqartut, Qinersinermut ataatsimiititaliaq sinnerlugu immikkut siunnersorti Lars Villadsen nalunaaruteqarpoq.
Nunaqarfinni aqutsisunut qinersinissaq marlunngornermi apriilip 28-anni pisussaavoq. Nunaqarfinnilu aqutsisunut qinigassanngortinniartut kingusinnerpaamik apriilip 17-ianni nalunaaqqutaq ullup qeqqanut nalunaareersimassapput.