Nunaqarfiit inuerukkaluttuinnarput

1990-miit maannamut nunaqarfiit 38-nik inukillisimapput, nunaqarfiit 17-nik inuttusisimasut. Immaqalu ukiumut isertitakinneq peqqutaavoq, amerlanerujartuinnartut nunaqarfinniit nutsermata.
Allattoq Jens Thorin
oktobarip 25-at 2010 11:08

Nunaqarfiit minnerpaat, ataatsimiit 50-it tikillugit inoqartut inukilliartornerpaapput,

ukiuni kingullerni 20-ni ukiut tamaasa 5 procentimik inukilleriartarsimallutik.

Kisianni 2005-miit 2009 ilanngullugu ajornerpaasimapput. Ukiuni taakkunani tallimani nunaqarfiit minnerit ukiumut 13 procentimik inukilleriartarsimapput. Tassalu nunaqafinni minnerni innuttaasut arfineq pingasuugaangata ataaseq ukiumut nuuttarsimavoq.

Sumulliukua nutsertut illoqarfinnut annernut minnernullu.

Ataatsimut isigigaanni illoqarfiit 3000-it sinnerlugit inullit 1990-imili inukilliartorsimapput, soorluttaaq illoqarfiit 500-niit 1000-it tikillugit inullit aamma innukkiartorsimasut. Illuanilli illoqarfiit 1000-iniit 3000-it tikillugit inullit ataatsimut isigalugit inukilliartorsimapput.

Illoqarfiit inuttusiartornerat procentinngorlugu misissoraanni, Nuuk, Tasiilaq aamma Upernavik alliartornerpaapput, illuanik illoqarfiit arfineq marluk 1990-imiit inukilliartorsimallutik, taakkunani Paamiut Qasigiannguit inukilliartornerpaallutik.

Nalunaarusiaq aqagu tusagassiortunik aggersaanermi saqqummiunneqassaaq. Kisianni nunaqarfiit siunissaannut tunngasut ullumimiit sammileriissavagut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq