Nunaqarfiit 20 millioni koruuninik aningaasaliiffigineqassapput
Illoqarfinni assigiinngitsuni 16-ini nunaqarfinnilu suliffissaqartitsiniarnissaq pillugu 20 millioni koruuninik immikkut ittumik aningaasaliisoqarnissaa, inatsisartuni ullumi isumaqatigiissutigineqarpoq.
Allattoq Mads Lynge
Nunaqarfiit ilaanni tunitsiviit matuneqarpata suliffissaqartitsiniarnissaq ilinniartitaanerlu qulakkeerniarneqarpoq, nutaamik ilinniarsinnaanissaq ammaaffiginiarneqarluni.
Suleqatigiissitaliortoqarnissaa naalakkersuisut siunniuppaat. Suleqatigiissitaliaq ukioq naatinnagu innersussuteqassaaq, nunaqarfinnullu tapiissutit annertussusissaat taamaasilluni aalajangersarneqarsinnaalissaaq.
Suliffiusinnaasunik nutaanik pilersitsisoqarsinnaanissaa suleqatigiissitaliap aamma suliarissavaa.