Nunap sisoorneragut inuppassuit ajunaarput

Sipisaq Salang aputip sisoortup eqqormagu nunap iluatigut sulluliap aqqutai matupput, inuit biilillu hornorujulippassuit sulluliap silataani iluanilu nikeriarsinnaajunnaarlutik, apummilluunniit matoorussaallutik.

Tamaani guvernørip oqarnera naapertorlugu inuit aqqunarsimasut 84-it nassaarineqarput, Ritzauimi taama alaaserinnipput.

Sakkutuut Afghanistanimeersut 150-it annaassiniarput. Bulldozerit, maskiinat assaassutit qulimiguullillu annaasiniarnermi atorneqarput, sakkutuut naalagaat oqarpoq, ilanngullugulu oqaatigaa suli nittaattorsuusoq, taamaammallu aputip sisooqqinnissaa rnumanarluni, annaassiniarnerlugooq ajornakusooqaaq.

Illersornissamut ministeqarfimmiit ilisimatitsissutigineqarpoq inuit 1.500-it aputip sisoorfiiniit annaanneqareersut. Afghanistanip avannarpasinnerusortaa apummit sissorfiunini pissutigalugu Afghanistanimi sorsunnermit sakkortoqisumit eqqugaanngilaq, pikitsitsisartut Talibanikkut Afghanistanip kangisissuani kujasissuanilu maanakkut sorsupput.