Nunap sajunnera sineriatsinni nalunaarutigineqartoq

Facebookimi atuisorpassuit nunap sajunnera malugisimallugu ataasinngornermi unnukkut allarrapput. Nunatsinni politiit arlaannik ajutoortoqarsimaneranik nalunaarutersinngillat.
Earthquake.usgs.gov
Allattoq Kenneth Elkjær
juunip 04-at 2018 22:02
Nutserisoq Connie Fontain

Nunap ataasinngornermi unnukkut nalunaaqutaq qulingiluanngunngitsiartoq sajunnera pillugu innuttaasut Maniitsumiit, Nuummiit, Atammimmiit, Napasumiit Kangerlussuarmiillu facebookimi quppernerminni allapput.

Nunatsinni politiit innuttaasunit arlalinnit aamma saaffigineqarput. Nunalli sajunnera pillugu paasissutissarsinngillat.

- Sajunnera uagut maani aamma malugaarput, GEUS-imiilli pisortatigoortumik paasissutissinneqarnissarput utaqqivarput, tamanna aqagu (marlunngornermi aaqq.) aatsaat pissajunnarsivoq, pigaartut pisortaat, Aqqaluk Petersen KNR-imut oqarpoq.

Amerikamiut nittartagaat earthquake.usg.gov naapertorlugu nunap sajunnera Maniitsup kujataata kangisissuani, 69 kilometerisut ungasitsisumi pivoq, Richterip nunap sajunneranut uuttuinera 4,5-imiippoq. Tamannali GEUS-imit uppernarsarneqanngilaq.

Nunap sajunnera malugisimagukku KNR-imit tusarfigerusuppatsigit. Uunga allassinnaavutit news@knr.gl.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq