Nunanut allanut unammisartut EM-imut piareerput

Kalaallit taekwondomik nunanut allanut unammisartui europami pissartanngorniunnermut peqataajartorlutik Sloveniamut ingerlaarput.
Allattoq Peter Troelsen, Simon Uldum
apriilip 22-at 2013 07:03

Illoqarfik Bled pissartanngorniunnernik aaqqissuisuuvoq, apriilillu 24-ianit 28-ianut ingerlanneqassallutik. Unammiat Sloveniamut ataasinngornermi 22-iani tikissapput 23-ianilu oqimaalutarneqarlutik.

Taekwondomik pissartanngorniunnermut peqataajartortut tassaapput:

Tina Nikodemussen, Johan Peter Halsøe, Lauritz Heilmann aamma Angutinnguaq Tittussen Nuummeersut.

Sofie Skifte Sisimiunit, Helge Heilmann Maniitsumit Apalanguak Mathiessenilu Ilulissanit.

Sofie Skiftep peqataaqqaatigaa, sinnerilu nunani tamalaani pissartanngorniuunnerit ukiorpassuarni misilittagaqarfigalugit.

Unammisartoqatigiit ukiormanna europami pissartaaffiit sisamat ukiormanna illersortussaavaat nunanullu allanut unammisartut sungiusaasuata periarfissagissaarsorai.

- Ukiormanna unammiartortitavut periarfissagissaarput pissartanngorniuttoqarnissaanullu ilungersorlutik sungiusarsimallutik, taamaammat siornamut naleqqiullugu amerlanerusunik pissartaaffeqarluta angerlarnissarput ilungersorluta sulissutigissavarput, Nunanut allanut unammisartut sungiusaasuat Lauritz Heilmann oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq