Nunanit allanit aningaasanik atorniarnissaq kissaatigineqarpoq

Aningaasanut inatsimmi 100 millioni koruunit aappaagumut amigaatigineqartussat, nunanit allanit atorniarnikkut akitsuutillu qaffannerisut nassaarineqarnissaat inatsisartuni partiit amerlanerussuteqartut kissaatigaat.
Allattoq Oline I. Olsen
oktobarip 03-at 2007 16:54

-Peqqinnanngitsut, mamakujutsut, sodavandit tupallu akitsuuserneqassapput,

Inuit ataqatigiit inatsisartuni ilaasortaatitaat Agathe Fontain oqarpoq.

Aningaasaqarneq pillugu Siumup oqaaseqarttittagaa, Ruth Heilmann, oqarpoq, 100 millioni koruunit peqqinnanngitsut akitsuuserneqarnerisigut aallerfigineqarsinnaasut

Demokraatit aningaasaqarnermut oqaaseqartittagaat, Palle Christiansen, oqarpoq, raajarniat, saarullinniat qaleralinniallu akitsuuteqarnerisigut nunatta karsia aningasalersorneqarsinnaasoq, ilanngullugu siunnersuutigalugu, Inatsisartut ataatsimiittarfiata allineqarnissaanut 10 millioni koruunit sipaarneqarsinaasut, inissianik sanaartornissamut aningaasanik amigaateqartoqartillugu, Demorkraatillu isumaqarput inuinnaat ulluinnarni inuuniarnikkut atugarisaatigut akitsuusiineq tapersersornartinnagu. Nunanit allanit atorniartoqarsinaanera Demokraatinit tapersersorneqanngilaq, taakku oqarput, Nunatta karsiata iluani sipaarutaasinnaasunik nassaartorqarsinnaasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq