Nunanit allaneersut peqquserluttuliorsimanerarpai
Afghanistanip præsidentiata Hamid Karzai-ip inuit nunanit allaneersut Afghanistanimi præsidentimut qinersinermi peqquserluttuliorsimanerarpai. Qinersinermi peqquserluttilortoqarsimanera Karzai-ip nassuerutigaa, præsidentitut tassani qinigaaqqilluni.
Allattoq Mads Lynge
apriilip 01-at 2010 17:42
- Afghanistanimeersulli peqquserluttuliortuunngillat, nunanilli allaneersut peqquserluttuliortuullutik, Hamid Karzai franskit nutaarsiassaqartitsiviannut AFP-mut oqarpoq.
Naalagaaffiit Peqatigiit Afghanistanimi aqutsisoqarfianneersoq Peter Galbraith pingaarnertut peqquserluttuliortuunerarneqarpoq.
Tassa peqquserluttuliorneq FN-imit aqunneqarsimanerarneqarpoq.
FN-ip Afghanistanimi qullersaqarfiani pisortap Kai Eidep Peter Galbraithillu akornanni aaqqiagiinngissuteqartoqareersorlu Peter Galbraith septembarimi soraarsitaavoq.
Qinersinermi peqquserluttuliortoqarsimanerannik FN-ip Kai Eidellu avammut tusarliisimannginnerat Hamid Karzai-ip isornartoqartippaa.
