Nunaminertat attartortinneqanngikkunik tunineqartartut

Mali-mi naasorissaasut siorna tusarlerneqarput nunaminertaatitik illutillu peerneqassasut, pissutigalugu Oberst Gaddafip suna tamaat pisiarisimammagu inuussutissanik naatsitsiviginiarlugu.

Naasorissaasut tassani najugallit isumaqarsimapput nunaminertaq nammineq pigalugu, kisianni pappiaqqatigut atsiormanngillat, nunamilu naalakkersuisut isumaqarput nunaminertat ataatsimoorussamik pigineqartut, taamatullu kikkunnulluunniit tunineqarsinnaasut attartortinneqarlutilluunniit.

Afrikami nunani allani nunaminertat ingammik Kinamiut aningaasaliisartuinut tunineqartarput.

FN-ip Verdensbankillu Afrikami nunalerinerit angisuut inassuteqaatigaat, kisianni piffinni innuttaasut nunaatiminnik angerlarsimaffimminnillu annaasaqarnissartik sakkortuumik akerleraat.

Ukiorpaaluit qaangiupput Madagaskar-imi innuttaasut nunap affaata naatitsivigineqarsinnaasup Korea kujallermi aningaasaliisartunut tunineqarnissaanik pinngitsoortitsimmata.

FN-imi generalsekretæriusimasoq Koofi Annan ullumikkut Afrikami nunalernermik sammisaqartuuvoq, taassumalu mianersoqqussutigaa aammaloortumik Afrikap nunasiaateqarfittut pineqarnissaa.

Verdensbankimit ilisimatitsissutigineqarpoq siorna nuna Frankrigisut angitigisoq Afrikami aningaasaliisartunut tunineqarsimasoq.