NunaMineralsip Tunup sineriaani aatsitassat sumiinneri nalunaarsorlugit naammassingajalerpai.

Ingammik aatsitassaqassuseq Tasiilamiit kujammut eqqarsaatigissagaanni. Uppernaaq sapaatip akunnerini taallimani misissugassanik misiligutissanik katersuisoqarsimavoq. Suliamut tunngatillugu pilersaarusiortoq, ujarassiooq, Anders Lie, ima oqaluttuarpoq:

Katillugit misiliutissanik 1000-nik tigusisimavugut, qaqqanilu 400-500-nik misiliutissanik tigusisimalluta, kinnganernillu aamma misiliutissanik tigusisimalluta.

Nuna misiliutissanik tigooraaffipput, siornatigut misissuiffigineqarsimanngilaq, tikinneqajuitsumiillunilu.

KNR-radioaniit aperineqarami, aalajangersimaqqissaartunik misiliutissanik tigooraasimanerlutik, imaluunniit soqarnersoq alakkartiinnarsimaneritsik, Anders Lie, nangilluni akivoq;

Soorunami soqarsinnaanera tamaat misissorparput,

Sunillu aatsitassaqarsinnaanera aamma pasitsaatimisaareersimallutigu.

Soqutiginarsinnaasunik nassaaraangatta helikopteri unitsissinnarlugu nassaarfivut uninngavigisarpavut, kujammullu ingerlaarnitsinni taamatut misissuinerput ingerlassimallutigu, soqutiginartunik nassaaraangatta misiliutissanik tigusiffigeriarlutigit, tullissaanut ingerlaqqittarpugut.

Tasiilap eqqaani nassaarisartakkatta eqqaani assigusunik siumuisarpugut.

Kiisalu angallavigisatsinni piffinni assigiinngitsuni marlunni pingasuni siornatigut siumorneqarsimanngitsunik nassaartarsimavugut, misiliutissap siulliup misissukkatta paasitippaatigut ajunngitsumik misissuinerput ingerlassimagipput, taamaattumik isumalluartorujussuuvugut.

Nunarsuarmi ujarassiornermi misissuiffigineqarsimanngitsunut ilaasoq tassaavoq tunup kujataa´tungaa, soorunami misissuiffigisassat suli arlaqaraluarput, kisianni siornatigut misissuinissamut siku akorngutaasarsimavoq.

Ukiunilu kingullerni kangerluit sikuusarunnaarmata angallamik pulasalersimavugut, angallammilu angerlarsimaffeqartarluta.