NunaMineralsip pisortaa oqaaseqarumanngitsoq
NunaMineralsip pisortaa suliffeqarfiup illuani ullaaq manna naammattuugassaavoq.
Suliffeqarfimmilu allaffinni qullerni qulliit ikumasut takuneqarsinnaapput silammullu matu ammalluni.
NunaMineralsimmi pisortaa Ole Christiansen tummeqqani KNR-imit naapipparput, taannali suliffeqarfiup akiliisinnaajunnaarneranut tunngatillugu aammalu Patrick Newmanip suliffeqarfimmut annaasserusunnera pillugu oqaaseqarusunngilaq.
- Tusagassiutinut nalunaaruteqareerpugut, Ole Christiansen aaliangersimarpalulluni oqarpoq.
Patrick Newman NunaMineralsi annaanniarnissaa pillugu pilersaaruteqarpoq, tamanna oqaaseqarfigisinnaaviuk?
- Tamanna pillugu tusagaqarnikuunngilanga, oqaaseqarusunngilangalu, Patrick Newmanip pilersaarutaa pillugu naaatsumik oqarpoq.