NunaMinerals nioqqutigineqarfimmi OMX-imi niuerutigineqarsinnaanngorpoq

Ingerlasseqatigiiffik Nunaminerals, kuultisiornermik aatsitassanillu allanik ujaasinermik ingerlataqartoq pappiaqqanik nalilinnik nioqquteqartarfimmi niuerutigineqarsinnaalerpoq.
juunip 02-at 2008 08:00

Københavnimi aningaasanik nioqquteqartarfimmi OMX-mi niuerutigineqarsinnaanngornissi sioqqullugu ingerlateqatigiiffik imminut ilisarititsissummik saqqummiussivoq.

NunaMinerals niuffaffimmi Dansk AMP-mi maannamut nalunaarsoqqagaluarpoq.

Ingerlatseqatigiiffiup imminut ilisaritinnerminut atatillugu pappiaqqat nalillit 650.000-t tuninialerpai ataaseq 100 koruunilerlugu. Pappiaqqat nioqqutigineqartussat tunngaviusumik nalinga juunip arfernanni tamanut saqqummiunneqassaaq – Akiviusussaq nalunaarutigineqassaaq juunip ulluisa 18-ani.

Nunamineralsip pappiaraataanik nalilinnik kikkulluunniit pisisinnaatitaapput.

Pigineqataasut pingaarnersaat pingasuusut, Namminersornerullutik Oqartussat, Lønmodtagernes Dyrtidsfond kiisalu Rudersdal A/S 60 millioner koruunit angullugit piginneqataassutsinik pisiniarlutik neqerooruteqareernikuupput.

Aktianik tuniniaanissaq juunip 25-iani aallartissangatinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq