Nunalerineq siuarsartariaqarpoq

Stefan Hrafn Magnusson: -Nunalerineq neqissaqarniarnerullu tungaatigut imminut napatinniarneq naalakkersuinikkut tulleriiaarinermi salliutinneqarsimanngillat, isumasioqatigiissitsinerlu iluatsillugu neriuppunga eqeersimaarneq allisinnaajumaartoq, tassami nunalerineq imminut akilersinnaavoq, imminullu akilersinnaasumik nunanut allanut tunisassiorneq tuniniaanerlu periarfissaapput, tamannalu pisinnaalluni Kalaallit Nunaata tunniussinnaasai tunngavigalugit. Stefan Hrafn Magnusson 2300 missaanik Isortumi Qaqortup pigisaani tuttuuteqarpoq, taakkunannga 1000-it 1200-llu akornanni amerlassusillit ukiumut toqorartarlugit. Toqorakkat amerlanersaat USA-mut Canada aqqusaarlugu tuniniartarput. Nunalerinermi tunisassiaq alla pillugu Neqi A/S-imi pisortaq Lars Møller Sørensen oqarpoq: -Ukiumut savaaqqat 21.000 22.000-illu akornannik amerlassusillit Neqi-mi toqorartarpagut tamaasalu Kalaallit Nunaani tunisarlugit, taamaattumik Kalaallit Nunaanni piumasarineqartut naammassisinnaatinnagit nunanut allanut tuniniaaneq eqqarsaatigisariaqanngilarluunniit. Taama oqarneragut erserpoq nunanut allanut tunisassiorsinnaagaluaq taamaatullu aningaasarsiorsinnaagaluaq naammassineqarsinnaanngitsoq.

Nunalerilernermut Siunnersorteqarfimmi siunnersorti Aqqalooraq Frederiksen oqarpoq, nunaatit annertusineqarsinnaanerannut periarfissaqarluaraluartoq.