Nuna tamakkerlugu pilersaarusiaq ukiaanerani oqaluuserisassaajunnaartoq
Naalakkersuisut naapertorlugit nalunaarusiap danskisut kalaallisullu allanneqarneri assigiinngippallaarujussuarmata tamatuma oqaluuserineqarnissaa unitsinneqarpoq.
Siumulli maanna nalunaarutigaa, nalunaarusiami innersuussutigineqartut oqaluuserinissaat kissaatiginngikkitsik.
Siumumit Suka. K. Frederiksen isumaqarpoq, nalunaarusiaq kinaassusersiorpallaartoq, tassa partiit ataasiakkaat isumaat nalunaarusiami innersuussutini saqqumivallaartoq.
- Taava uagut Siumuminngaanniit imatut oqariartuuteqarpugut, paasissutissat sapinngisamik qalipaasersugaanngitsut, politikkikkut sammivilersugaanngitsut saqqummiunneqartassasut, soorlu imatut ittariaqaraluaramik, oqariartuuteqarnatik, kisianni politiikimi ulluinnarni sulinermi atugassat sakkussaallutik, partii sorlermiikkaluaraanniluunniit isummersornissaamut tunngavigineqarsinnaalluartut, Siumumit Suka K. Frederiksen oqarpoq.