Nuna tamakkerlugu arfernik angisuunik aappaagumut pisassiissutit piareertut
Arferit anginerit qassit aappaagu pisarineqassanersut aaliangerneqarput.
Allattoq Jonas Fievé
Nutserisoq Kerté Jeremiassen
Aappaagu tikaagulliusaat 19-it, arfiviit marluk, qipoqqaat qulit tikaagulliillu 176-t imartatsinni pisarineqarsinnaassapput, Naalakkersuisut tusagassiorfinnut taama nalunaaruteqarput.
Pisassiissutigineqartut Nunarsuarmi Arfanniarnermik ataatsimiititaliamit siunnersuutigineqartut aallaavigalugit pisassat aalajangiunneqarput.
Naalakkersuisut pisassiissutit ingerlaavartumik allannguuteqarsinnaanerat 2016 ilimasaarutigaat, ilaatigut soorlu
ukiormanna pisarinngitsuukkat nuunneqarsinnaanerat eqqarsaatigalugu. Tamannali pissappat nalunaarutigineqarumaartoq oqaatigalugu.